El Gobiernu de Polonia nel exiliu, oficialmente Gobiernu de la República de Polonia nel exiliu (en polacu: Rząd Rzeczypospolitej Polskiej na uchodźstwie), foi'l gobiernu de Polonia tres la ocupación pola Alemaña Nazi y la posterior invasión pola Xunión Soviética mientres setiembre y ochobre de 1939 que dieron l'entamu de la Segunda Guerra mundial.
El Gobiernu polacu nel exiliu dirixía a les Fuercies Armaes polaques qu'operaben en Polonia y l'estranxeru mientres la guerra. Magar nun foi reconocíu mientres enforma tiempu y nun tuvo poder efectivu tres la Segunda Guerra Mundial, siguió esistiendo hasta'l final del gobierno comunista en Polonia en 1990, cuando delegó formalmente les sos responsabilidaes al nuevu gobiernu.